Nicolaas Faasen het Tale, Geskiedenis en Opvoedkunde aan die Universiteit Stellenbosch studeer. Hy was vir meer as twintig jaar onderwyser, en ook hoof van die Onderwysersentrum Parow, senior vakadviseur vir Afrikaans en hoof van Kurrikulumdiens van die Wes-Kaapse Onderwysdepartement. Van 1998-2010 was hy uitgewer en uitgewerbestuurder by Tafelberg Uitgewers, Nasou Via Afrika en Via Afrika. Tans werk hy vryskut as materiaalontwikkelaar, o.a. met werkboeke vir die uitgewer en grondslagfase, asook op taal-, geskiedenis- en geografiehandboeke, leesboeke, letterkundestudie, lewensoriëntering en navorsingsmetodologie. Hy is 'n raadslid van Accessible Books Consortium, 'n internasionale VN-projek om leer- en leesmateriaal aan siggestremdes te voorsien.