Sonia Cabano, ’n voormalige model wat sjef geword het, woon vir 12 jaar in Londen en Europe, waar sy by verskeie gewilde restaurante opleiding ontvang, onder andere by Bistro 190 van Anthony Worrall-Thompson, Kensington Place van Rowley Leigh en Blacks in Soho. Nadat sy na Suid-Afrika terugkeer, bestuur sy ’n suksesvolle spyseniersonderneming in Kaapstad, wat verskeie bekende kliënte lok. Sy werk ook as vryskut-stilis en –joernalis vir verskeie Suid-Afrikaanse publikasies. Sy is tans werksaam as ’n gewilde demonstrasie-sjef en ’n bedrywige ma van twee jong kinders. Sonia is die outeur van Vinnig en Maklik en Pikant, ook deur Struik Lifestyle uitgegee. Smullekker Vegetaries is Sonia se vierde resepteboek.
Jade de Waal is ’n jazz-student met ’n passie vir kos. Tydens haar matriekjaar begin sy ‘Eat Your Heart Out’, ’n kookprogram vir die internet. Sy bied ook gereeld ‘Food Jams’ aan waartydens deelnemers genooi word om te improviseer en hul kookvernuf te ontdek. Jade behaal die Top 8-deelnemers in die eerste seisoen van MasterChefSA en word heel gepas aangewys as die mees kleurvolle deelnemer.
